BA (Anrh) Dylunio Graffeg (gyda blwyddyn sylfaen)
Manylion cwrs
- Côd UCASW290
- Blwyddyn mynediad 2023, 2024
- Hyd y cwrs 4 BL (llawn-amser)
- Tariff UCAS 48-72
- Côd y sefydliad G53
- Lleoliad Wrecsam

Course Highlights
Tîm addysgu profiadol
o'r diwydiannau creadigol proffesiynol
Cyfleoedd
i gystadlu ac adeiladu portffolio proffesiynol
Arddangoswch eich gwaith
mewn sioe radd diwedd blwyddyn
Pam dewis y cwrs hwn?
Bydd y radd Dylunio Graffig yn eich helpu i ddatblygu eich arddull graffigol a'ch dawn ar gyfer creu delweddau creadigol. Mae'r cwrs yn ymdrin ag ochrau ymarferol, proffesiynol, ac artistig gweithio fel dylunydd graffeg gyda llais artistig unigol, gan eich arfogi ar gyfer gyrfa lwyddiannus yn y diwydiannau creadigol.
Bydd myfyrwyr yn:
- Dysgu sut i greu delweddau cymhellol, gweithio i safonau proffesiynol, a deall sut mae eich gwaith yn ffitio i mewn i'r diwydiant.
- Cael eu cyflwyno i ystod eang o sgiliau creadigol, o'r genhedlaeth o syniadau i'w cynhyrchiad technegol trwy wneud printiau, cyfryngau traddodiadol a digidol, gyda phwyslais ar ddylunio a datblygu arddull bersonol unigryw.
- Cael eich cyflwyno i brosesau creadigol proffesiynol a'ch annog i ehangu eich galluoedd drwy weithdai a phrosiectau ymarferol.
- Dysgu sut i ddehongli briff, adnabod, a datrys problemau, datblygu unigolrwydd creadigol, a chynhyrchu portffolio proffesiynol.
- Ennill sgiliau personol, proffesiynol, ac entrepreneuraidd gan gynnwys gweithio fel dylunydd llawrydd: o farchnata a hunan-hyrwyddo i gontractau, anfonebau a gweithio gyda chleientiaid.
- Cael eich annog i weithio ar friffiau a chystadlaethau byw.

Celf ynWrecsam glyndwr
Prif nodweddion y cwrs
- Byddwch yn rhan o gymuned fywiog a chreadigol o artistiaid masnachol gan gynnwys darlunwyr, animeiddwyr, ac artistiaid comig.
- Cewch eich addysgu gan dîm addysgu gydag ystod eang o brofiad yn gweithio'n broffesiynol yn y diwydiannau dylunio a chreadigol.
- Rydym yn eich annog i ymgymryd â chomisiynau a dysgu sut i gynhyrchu prototeipiau cynhyrchu o ansawdd uchel i'w cyflwyno i gleientiaid.
- Byddwch yn rhan o arddangosfa sioe radd diwedd blwyddyn - edrychwch ar e-gylchgrawn Sioe Radd 2022, Unjammed.
Beth fyddwch chin ei astudio
BLWYDDYN 1 (BLWYDDYN SYLFAEN)
Bydd y flwyddyn Sylfaen yn gyflwyniad i elfennau allweddol celf a dylunio, gan gynnwys ymarfer dylunio, celfyddyd gymhwysol a chelfyddyd gain. Byddwch yn archwilio proses meddwl yn greadigol sy’n ymwneud ag amryw ddisgyblaethau celf a dylunio, gan ddatblygu eich gallu i roi syniadau i lawr ar bapur yn gyflym. Bydd ystod o aseiniadau ymarferol a fydd yn cynyddu eich gallu i adnabod syniadau cryf a chysyniadau gwreiddiol.
MODIWLAU:
- Cyflwyniad i Gelf a Dylunio
- Cyflwyniad i Gelfyddyd Gymhwysol
- Cyflwyniad i Gelfyddyd Gain
- Meddwl yn Greadigol
- Y Sgiliau Sydd eu Hangen Arnoch
- Astudiaethau Cyd-destunol
BLWYDDYN 2 (LEFEL 4) - Sgiliau Craidd
Mae Lefel 4 yn eich cyflwyno i egwyddorion sylfaenol dylunio graffeg a fydd yn eich helpu i ddatblygu eich arddull. Mae hyn yn cynnwys datblygu dealltwriaeth o'r offer a'r technegau creadigol y byddwch yn eu defnyddio, cyd-destunau hanesyddol a damcaniaethau graffeg, argraffu, technegau cynhyrchu a dealltwriaeth o'r diwydiant dylunio graffeg.
MODIWLAU
Semester 1
- Hanes a Chyd-destun
- Cyfathrebu Gweledol
- Cyfathrebu Digidol
Semester 2
- Dylunio Cymdeithasol
- Adrodd Stori: Theori ac Ymarfer
- Dylunio rhyngweithiol
BLYWDDYN 3 (LEFEL 5) - Sgiliau Uwch
MODIWLAU
Semester 1
- Dylunio Symudiad
- Argraffu a Chynhyrchu
- Meddwl yn feirniadol
Semester 2
- Dyfodol Creadigol: Gwneud bywoliaeth
- Prosiect Dylunio: Dylunio Graffig
BLWYDDYN 4 (LEFEL 6) - Arbenigedd
Mae Lefel 6 yn canolbwyntio ar eich arbenigedd. Byddwch yn gweithio gyda staff i gyflwyno'r prosiectau sy'n dangos eich arddull graffig, eich sgiliau a'ch galluoedd, eich uchelgais, a'ch dealltwriaeth o'r diwydiant dylunio graffeg.
MODIWLAU
Semester 1
- Prosiect Arbenigol: Dylunio Graffig
Semester 2
- Dyfodol Creadigol: Ymarfer Proffesiynol
- Briff Byw
Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.
Gofynion mynediad a gwneud cais
Ein gofynion cyffredinol ar gyfer y flwyddyn sylfaen yw 48-72 pwynt tariff UCAS ond mae pob cais yn cael ei ystyried yn unigol a byddwn yn ystyried profiad gwaith, hyfforddiant/cymwysterau galwedigaethol yn ogystal â chymhelliant a’r potensial i lwyddo.
Mae tîm y rhaglen yn croesawu ceisiadau gan unrhywun a all ddangos ymroddiad i'r pwnc a'r potensial i gwblhau eu rhaglen yn llwyddiannus. Gall hyn gael ei gadarnhau drwy ddangos cyflawniadau academaidd priodol neu drwy ddangos bod yr unigolyn yn meddu ar yr wybodaeth a'r gallu sy'n gyfateb i'r cymwysterau academaidd.
Caiff pob ymgeisydd naill ai ei gyfweld yn unigol neu ei wahodd i ddiwrnod ymgeiswyr lle cânt y cyfle i ddangos portffolio o'u gwaith. Mae'n bosibl y caiff profiad ei ystyried hefyd, yn enwedig yn achos yr ymgeiswyr nad ydynt yn bodloni'r gofynion academaidd uchod, yn dibynnu ar faint a dyfnder eu gwybodaeth pwnc. Gofynnir i fyfyrwyr dramor, nad ydynt yn medru mynychu cyfweliad, anfon eu portffoio o waith yn ddigidol er mwyn iddo gael ei ystyried.
Mae tiwtor derbyn yn ystyried pob cais yn unigol. Caiff gwahanol gymwysterau eu hystyried, gan gynnwys Cymwysterau Uwch yr Alban, Tystysgrif Ymadael Iwerddon, Bagloriaeth Cymru, y Fagloriaeth Ryngwladol, cyrsiau Mynediad, BTEC, VCE, GNVQ, lefelau A ac AS yn ogystal â chymwysterau tramor eraill.
Addysgu ac Asesu
Nid oes arholiadau gosodedig. Mae asesu yn barhaus ac yn ymwneud â phob agwedd ar y rhaglen, gan roi pwyslais a ddiffinnir yn fwy gofalus ar asesu ffurfiannol ac adborth ar eich gwaith cwrs trwy gydol y flwyddyn academaidd. Byddwn yn eich cynghori ar lefel eich cyrhaeddiad ac yn eich cyfeirio tuag at strategaeth ar gyfer dilyniant pellach wrth i aseiniadau a modiwlau gael eu cwblhau.
Mae fformatau amrywiol o asesu i annog eich dysgu trwy seminarau grŵp, ymdriniaethau a thiwtorialau. Gall hyn fod trwy ryngweithio grŵp gyda dadansoddiad beirniadol lle byddwch yn cyflwyno ystod o waith gan gynnwys llyfrau braslunio, taflenni dylunio, gwaith celf gorffenedig, gwaith ar sail sgrin, ffeiliau technegol / cynhyrchu, cyfnodolion, traethodau, a chyflwyniadau clyweledol. Mae adolygiadau o waith ar adegau allweddol cyn y Nadolig a chyn y Pasg ac mae hyn yn rhoi amser i chi fyfyrio ar eich cynnydd cyn asesiad diwedd blwyddyn terfynol neu grynodol.
DYSGU AC ADDYSGU
Mae Prifysgol Glyndŵr Wrecsam wedi ymrwymo i gefnogi ein myfyrwyr i wneud y gorau o’u potensial academaidd.
Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol, a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sydd yno i gynorthwyo gydag agweddau ymarferol o waith prifysgol. Mae gan ein hadran cymorth myfyrwyr fwy o wybodaeth am y cymorth sydd ar gael.
O ran anghenion penodol, gall Gwasanaethau Cynhwysiant y Brifysgol ddarparu arweiniad a chymorth priodol os bydd angen addasiadau rhesymol ar unrhyw fyfyriwr oherwydd anabledd cyfredol a gydnabyddir, cyflwr meddygol neu wahaniaeth dysgu penodol.
Rhagolygon gyrfaol
Rhoddir pwyslais ar eich datblygiad personol a phroffesiynol, sgiliau cyfathrebu ac entrepreneuraidd, fel eich bod yn gymwys iawn i fynd i mewn i ddiwydiant amrywiol sy'n newid yn gyflym. Mae myfyrwyr sy'n astudio dylunio graffeg yn Ysgol y Celfyddydau Creadigol wedi mynd ymlaen i weithio mewn amrywiaeth o swyddi a diwydiannau. Mae llawer yn mynd ymlaen i weithio fel dylunwyr graffeg llawrydd, cyfarwyddwyr creadigol, neu gymryd rolau iau o fewn stiwdios dylunio.
Mae'r radd hon hefyd yn eich galluogi i ddatblygu ystod o sgiliau trosglwyddadwy a all arwain at amrywiaeth o gyfleoedd cyflogaeth. Mae cyfleoedd astudio pellach ar gael ar lefel MDes /PMA neu TAR hefyd.
Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.
Ffioedd a chyllid
Nid oes rhaid ichi dalu'ch ffioedd hyfforddi ymlaen llaw.
Ffioedd dysgu Prifysgol Glyndŵr Wrecsam 2023/24 ar gyfer cwrs gradd israddedig amser llawn yw £9000 y flwyddyn.
Bydd y ffioedd rydych chi'n eu talu a'r cymorth ar gael yn dibynnu ar nifer o ffactorau gwahanol. Ceir gwybodaeth gyflawn ar ein tudalennau ffioedd a chyllid.
Manyleb y rhaglen
Gallwch chi weld manyleb lawn y rhaglen yma.
Llety
Os ydych yn edrych am le i aros tra i chi astudio beth am edrych ar ein hadran Llety am fwy o wybodaeth, gan gynnwys prisiau.
I gael mwy o wybodaeth am eich opsiynau, gan gynnwys ein neuaddau preswyl Pentref Wrecsam.
Yn amodol ar ail-ddilysu
Fel rhan o’i phroses barhaus o sicrhau a gwella ansawdd, mae’r Brifysgol yn adolygu ei chyrsiau yn rheolaidd i sicrhau eu bod yn adlewyrchu anghenion myfyrwyr a chyflogwyr. Pob yn bum mlynedd mae angen cynnal adolygiad cyfnodol o’r holl raglenni cyfredol, ac mae’n bosib y bydd newidiadau sylweddol yn cael eu gwneud i raglenni yn ystod y broses o ail-ddilysu.
Mae’r rhan fwyaf o gyrsiau sydd yn ‘amodol ar ail-ddilysu’ yn cael eu cymeradwyo gan y broses ddilysu; fodd bynnag, ni warantir hyn, ac os na fydd cwrs yn mynd rhagddo yn ôl y bwriad, neu’n cael ei newid yn sylweddol, cewch eich hysbysu gan y brifysgol a rhoddir cymorth i’r bobl hynny sydd wedi cael cynnig lle i ganfod cwrs amgen addas naill ai ym Mhrifysgol Glyndŵr Wrecsam neu gyda darparwr arall.
Rhyngwladol
I gael gwybodaeth am ofynion mynediad y brifysgol ar gyfer myfyrwyr UE/rhyngwladol, os gwelwch yn dda ewch i'r adran ryngwladol.