BSc (Anrh) Seiberddiogelwch (gyda Lleoliad Diwydiant)

Beth fyddwch chin ei astudio

BLWYDDYN 1 (LEFEL 4)

Mae Lefel 4 yn cynnwys deunydd sylfaenol hanfodol sy'n berthnasol ym mhob un o'n rhaglenni cyfrifiadurol. Byddwch yn dysgu'r ddau sgiliau pwnc-benodol ynghyd â sgiliau trosglwyddadwy a fydd yn cynyddu eich rhagolygon cyflogadwyedd.

Gyda chefnogaeth eich tiwtoriaid, byddwch yn dysgu am rai o'r ffeithiau hanfodol, y cysyniadau, yr egwyddorion a'r damcaniaethau sy'n ymwneud â chyfrifiadureg a chymwysiadau cyfrifiadurol. Byddwch yn gallu dangos sgiliau sy'n sail i arferion da ym maes cyfrifiaduron a dulliau cyfrifiadurol, e.e. tasgau labordy sy'n cynnwys creu rhaglenni syml a defnyddio systemau gweithredu.

Bydd hyn yn helpu i ddatblygu eich dealltwriaeth o faterion caledwedd, gan gynnwys plethu a chyfathrebu data, a'u heffaith ar ddylunio a pherfformiad cyffredinol systemau cyfrifiadurol.

MODIWLAU

• Hanfodion Rhwydweithiau
• Diogelwch Gwybodaeth a Llywodraethu Gwybodaeth
• Dulliau Cyfrifiadurol Cymhwysol
• Amddiffyn Rhwydweithiau
• Hanfodion Rhaglennu
• Systemau a Saernïaeth Gyfrifiadurol

BLWYDDYN 2 (LEFEL 5)

Mae Lefel 5 yn parhau i ddysgu hanfodion y ddisgyblaeth i chi, ac mae modiwlau mwy arbenigol yn dechrau cael eu cyflwyno. Byddwch hefyd yn ymgymryd â phrosiect grŵp lle byddwch yn ennill sgiliau pwysig mewn technegau rheoli prosiectau a materion proffesiynol a moesegol rheoli prosiectau.

Byddwch hefyd yn dyfnhau eich gwybodaeth a'ch dealltwriaeth o gysyniadau cyfrifiadurol a dulliau gweithredu ar gyfer problemau cymhleth trwy gymhwyso sawl techneg deallusrwydd artiffisial presennol ar gyfer dysgu ac optimeiddio targedu problemau yn y byd go iawn.

MODIWLAU

• Seiberweithrediadau
• Datblygu Meddalwedd Ddiogel
• Y Cwmwl, Saernïaeth Wasgaredig
• Hacio Moesegol
• Peirianneg Systemau a Rheoli Prosiectau
• Prosiect Grŵp

Yn ystod lefel 5 (blwyddyn 2) y rhaglen, byddwch yn mynychu sesiynau tiwtorial am y flwyddyn lleoliad, gan gynnwys y broses o ganfod lleoliad addas, disgwyliadau eich blwyddyn lleoliad ac arweiniad ar gynhyrchu eich cynnig. Yn semester 2 byddwch yn gweithio gyda Chydlynydd Lleoliad i gyflwyno eich cynnig, a fydd wedyn yn cael ei ystyried a’i adolygu. O fod yn llwyddiannus yn y broses hon, byddwch yn mynd ymlaen i wneud eich Lleoliad Diwydiant yn ystod eich trydedd flwyddyn gan ddychwelyd atom wedyn ar gyfer lefel 6 (cyfanswm o 4 blynedd). 

BLWYDDYN 3 (LLEOLIAD DIWYDIANT)

BLWYDDYN 4 (LEFEL 6)

Ar ôl i chi gyrraedd eich blwyddyn olaf, byddwch yn datblygu eich sgiliau ymhellach trwy fodiwlau ac ymchwil a addysgir, gan ganolbwyntio ar y datblygiadau diweddaraf yn eich disgyblaeth ddewisol.

Byddwch hefyd yn ymgymryd â phrosiect blwyddyn olaf unigol, a fydd yn eich helpu i'ch paratoi ar gyfer y math o dasgau a sefyllfaoedd y gallech ddod ar eu traws yn y gweithle. Bydd y gwaith ymarferol a phrosiect blwyddyn olaf yn datblygu eich sgiliau dadansoddol ymhellach drwy ddadansoddi ac arfarnu technolegau cyfredol a rhai sy'n dod i'r amlwg, gan ystyried eu heffaith ar gymdeithas.

MODIWLAU

• Fforenseg Ddigidol
• Cryptograffi a Systemau Amddiffynnol
• Optimeiddio Diogelwch ac Awtomatiaeth
• Canfod Bygythiadau ac Ymateb i Ddigwyddiadau
• Prosiect

Bydd myfyrwyr rhan-amser yn gwneud yr un modiwlau ond bydd eu deiet yn amrywio yn ddibynnol ar eu hargaeledd i fynychu dosbarthiadau a drefnir.

Mae'r wybodaeth a restrir yn yr adran hon yn drosolwg o gynnwys academaidd y rhaglen a fydd ar ffurf modiwlau craidd neu fodiwlau dewisol. Mae modiwlau'n cael eu pennu'n rhai craidd neu rai dewisol yn unol ag anghenion corff proffesiynol ac adolygiad fframwaith academaidd mewnol, ac felly maent yn gallu newid.

Gofynion mynediad a gwneud cais

Y gofynion academaidd ar gyfer y cwrs yw 80-112 pwynt tariff UCAS ar TAG Safon Uwch neu gyfatebol gan gynnwys TG, cyfrifiadura, mathemateg neu ffiseg.

Caiff ymgeiswyr nad ydynt yn bodloni’r meini prawf uchod eu hasesu ar sail unigol trwy gyfweliad.

Addysgu ac Asesu

Addysgu 

Mae'r gyfres rhaglen gyfrifiadura yn defnyddio amrywiaeth o offer a meddalwedd safonol diwydiant ar y cyd â nifer o ddulliau addysgu sydd wedi'u cynllunio i ddarparu sgiliau perthnasol i'r diwydiant a grymuso myfyrwyr i fynd â'u gwaith ymhellach lle bo hynny'n berthnasol. Mae pob aelod o staff wedi cofleidio'r fframwaith dysgu gweithredol (ALF) a bu nifer o welliannau i addysgu a dysgu. 

Asesu 

Mae tîm y rhaglen yn dilyn trywydd cytbwys o ran strategaeth asesu mewn perthynas â gwaith grŵp a chyfleoedd datblygu unigol. Defnyddir defnydd helaeth o lwyfan cwmwl rheoli prosiect JIRA i olrhain cynnydd myfyrwyr tuag at nodau a cherrig milltir. Mae hyn wedi profi'n offeryn buddiol o ran datblygiad personol a sgiliau rheoli amser critigol. 
 

Lle bo hynny'n berthnasol, mae asesiadau'n gysylltiedig â phrosiectau yn y byd go iawn neu'n seiliedig ar dueddiadau a materion cyfredol y diwydiant. Yn ogystal, mae modiwlau prosiect yn llwyfan ar gyfer gweithgareddau menter.

Cefnogaeth Bersonol 

Mae'r adran Gyfrifiadura yn y brifysgol yn cyflogi polisi drws agored hirsefydlog, ac yn actifadu ymgysylltu â myfyrwyr, cyn-fyfyrwyr a diwydiant gan ddefnyddio ein cymuned Discord ar-lein. Mae offer ychwanegol megis Teams a Moodle yn darparu gwybodaeth graidd a dulliau o gyswllt. Mae pob myfyriwr hefyd yn cael tiwtor personol sy'n cael eu hannog i gyfarfod yn rheolaidd ac mae cymorth personol ychwanegol yn cael ei ddarparu ar gyfer pob myfyriwr rhan amser ar VLE. 

Rydym yn cynnig gweithdai a sesiynau cymorth mewn meysydd megis ysgrifennu academaidd, gwneud nodiadau effeithiol, a pharatoi ar gyfer aseiniadau. Gall myfyrwyr drefnu apwyntiadau gyda thiwtoriaid sgiliau academaidd sydd yno i gynorthwyo gydag agweddau ymarferol o waith prifysgol. Mae gan ein hadran cymorth myfyrwyr fwy o wybodaeth am y cymorth sydd ar gael.

O ran anghenion penodol, gall Gwasanaethau Cynhwysiant y Brifysgol ddarparu arweiniad a chymorth priodol os bydd angen addasiadau rhesymol ar unrhyw fyfyriwr oherwydd anabledd cyfredol a gydnabyddir, cyflwr meddygol neu wahaniaeth dysgu penodol.

Rhagolygon gyrfaol

Ar ôl cwblhau'r radd yn llwyddiannus, gall graddedigion gael gwaith mewn swyddi fel, ond heb fod yn gyfyngedig i: 

• Peiriannydd Seiberddiogelwch 
• Profwr Treiddio 
• Dadansoddwr Diogelwch
• Peiriannydd Diogelwch 

Mae'n gwasanaeth Gyrfaoedd a Chyflogadwyedd yno i'ch helpu i wneud penderfyniadau a chynllunio'r camau nesaf tuag at ddyfodol disglair. O gael hyd i waith neu astudiaethau pellach i sylweddoli'ch diddordebau, sgiliau a'ch dyheadau, gallant roi'r wybodaeth, y cyngor a'r arweiniad arbenigol sydd eu hangen arnoch.

Mae seiberddiogelwch yn yrfa wych i fynd iddi ar hyn o bryd, gan fod galw mawr am weithwyr proffesiynol sydd â’r sgiliau hyn.  Rhagwelir y bydd twf o fwy na 30 y cant rhwng 2020 a 2030 yn nifer y dadansoddwyr diogelwch gwybodaeth a gyflogir, sef twf sy’n llawer cyflymach na’r cyfartaledd ar gyfer galwedigaethau eraill.  Mae’r rhan fwyaf o reolwyr recriwtio yn pwysleisio sgiliau graddedigion ar lefel mynediad gan fod y sgiliau mwy technegol fel arfer yn cael eu dysgu yn y swydd.   

A oes angen rhaglennu ar gyfer seiberddiogelwch? Er nad oes angen sgiliau rhaglennu ar lawer o swyddi seiberddiogelwch ar lefel mynediad, ystyrir ei bod yn sgìl bwysig ar gyfer rhai swyddi seiberddiogelwch ar y lefel ganol a lefel uwch. 

Ynghyd â’r sgiliau technegol byddwch hefyd yn datblygu eich sgiliau trosglwyddadwy a chyflogadwyedd gan gynnwys: 

• Y gallu i addasu – mae tueddiadau yn y maes seiberddiogelwch yn esblygu’n gyson, un o’r heriau pennaf yw delio â’r anghyfarwydd; 
• Sgiliau rhyngbersonol a chyfathrebu – mae’n bwysig cofio nad yw seiberddiogelwch yn bodoli ar ei ben ei hun.  Bydd eich sgiliau gweithio mewn tîm a rheoli prosiect yn datblygu yn ystod y rhaglen a addysgir yn ogystal â thrwy weithgareddau ychwanegol. 

Ffioedd a chyllid

Nid oes rhaid i chi dalu eich ffioedd dysgu ymlaen llaw.

Bydd y ffioedd rydych yn eu talu a'r cymorth sydd ar gael yn dibynnu ar nifer o ffactorau gwahanol. Gellir dod o hyd i wybodaeth lawn ar ein tudalennau ffioedd a chyllid. Byddwch hefyd yn dod o hyd i wybodaeth am yr hyn y mae eich ffioedd yn ei gynnwys yn y Cwestiynau Cyffredin ffioedd. 

Mae'r holl ffioedd yn ddarostyngedig i unrhyw newidiadau ym mholisi'r llywodraeth, edrychwch ar ein ffioedd israddedig.

Manyleb y rhaglen

Gallwch chi weld manyleb lawn y rhaglen yma. 

Llety

Os ydych yn edrych am le i aros tra i chi astudio beth am edrych ar ein hadran Llety am fwy o wybodaeth, gan gynnwys prisiau.

I gael mwy o wybodaeth am eich opsiynau, gan gynnwys ein neuaddau preswyl ar Pentref Wrecsam.