Chris Taylor

Bywgraffiad

Mae gan Chris Radd Meistr mewn Seicoleg o’r Brifysgol Agored. Mae ganddo ddiplomâu ôl-raddedig mewn gwyddor datblygiad cymdeithasol plant. Mae ganddo ddeng mlynedd ar hugain o brofiad o weithio gyda phlant agored i niwed a phlant sydd wedi dioddef trawma, a hynny fel ymarferydd rheng flaen a rheolwr wrth gyfrannu at adfer ar gyfer pobl ifanc sydd yn cyflwyno ystod o broblemau cysylltiedig â thrawma ac anawsterau ymlyniad cynnar, gan gynnwys lefelau uchel o drais, hunan-niweidio, ymddygiad dianc parhaus a rhywioli.

Roedd yn allweddol wrth ddatblygu partneriaeth iechyd a gofal cymdeithasol arloesol, i weithio ar ymyriadau seicogymdeithasol therapiwtig gyda phobl ifanc sydd ag anawsterau iechyd meddwl ac anhwylderau personoliaeth, sydd yn aml yn arddangos ymddygiad risg uchel, gan gynnwys hunan-niweidio, para-hunanladdiad ac sydd mewn perygl o ddioddef cam-fanteisio rhywiol a throseddol.

Yn ychwanegol at ddysgu ar y radd Gofal Plant Therapiwtig, mae’n parhau i hyfforddi gweithwyr preswyl, gofalwyr maeth, gweithwyr cymdeithasol, therapyddion, addysgwyr, a rheolwyr ym maes ymlynu, yma yn y DU ac yng Ngwlad Pwyl.

Mae ei ddau lyfr ar ymarfer sy’n ymwneud ag ymlyniad, trawma a phrofiadau niweidiol wedi eu cyfieithu i’r Bwyleg. Mae wedi annerch cynulleidfaoedd mewn cynadleddau cenedlaethol a rhyngwladol ar destun hunan-niweidio, gwaith therapiwtig, ymlyniad, trawma a Phrofiadau Niweidiol yn Ystod Plentyndod (ACEs)

Mae Chris yn mwynhau bod allan yn yr awyr agored ac yn hoff iawn o seiclo, gan reidio rhyw 10000 cilometr y flwyddyn.